Татарстанысе Калык-влак келшымаш пӧрт пеленысе «Озаҥ мари» ансамбль деч муро салам.
Ты ансамбль 1995 ийыште негызлалтын. Вуйлатыше сомылым ятыр ий Тамара Александровна Малькова шуктен. Тыгак коллективым икмыняр жап Тамара Егоровна Маркова вуйлатен. Кызыт ты сомылым Александр Славин шукта.
«Ме марий калык муро-влакым мурена. Озаҥ олаште мероприятийлаш чӱчкыдын ӱжыт, уло кумылын коштына. Кажне ийын республикысе районлаште эртаралтше Семык пайремыште выступатлена. Кызыт ансамбльыште индешын улына, чыланат сулен налме канышыште «шинчена». Эн самырык участницына 56 ияш, а эн кугуракше 77 ийышкат каен. А кумылна эре сай, марий койышнам ончыктена, усталык ешнам аралашак тыршена», — каласкалыш Тамара Александровна Малькова.
Марийский фольклорный ансамбль «Озаҥ мари» под руководством Александра Славина выпустил клип на песню «Такмак-влак».