(26 марта 2015) Звенигово районысо краеведений тоштерыште Жибрик лудмаш район кӱкшытан конкурс эртен. Тений тудо кудымшо гана лийын да тыге лӱмдалтын: «Все, что думается на бумагу ложится…». Ты гана тушко 30 утла участник ушнен.
Конкурсышто ик тӱшка тунемше-влак СССР Писатель ушем член Нина Жибрикын почеламутшым лудын, весыже шкенжын возымыж дене палдарен. Тений элна Кугу Отечественный сарыште сеҥымылан 70 ийым палемдаш ямдылалтеш, сандене кокымшо тӱшкашке ушнышо-влак чыланат сар нерген серыме почеламутыштым лудыныт.
Эн сайын лудшо да ойыртемалтше участник-вланлан диплом ден шарнымашан пӧлекым кучыктеныт.
Газета «Марий эл»