Кайыш мемнан деч легенде — марий сем аланыште кугу кышам кодышо еҥ — марий балетым негызлыше Анатолий Борисович Луппов. МАССР, РСФСР да Татарстан Республикын сулло пашаеҥже, тудлан 93 ий лийын.
Пытартыш ийлажым тудо Н.Жиганов лӱмеш Озаҥысе кугыжаныш консерваторийыште эртарен, туныктымо пашам вӱден шоген.
Кугешнен ойлен кертына меат, Озаҥыште илыше марий-влак, Анатолий Луппов мемнан икмыняр мероприятийыштына пагалыме уна лийын, шке книгажымат пӧлеклен.
Родо-тукымжо, лишыл еҥже-влаклан кугу чаманымашым каласена.
Шкеже каен гынат, пашаже да поро лӱмжӧ курымешлан кодеш.
Кийыме верда мамык гай пушкыдо лийже, Анатолий Борисович. Марий калык Тендам эре порын шарнаш тӱҥалеш.
Фотошто: Анатолий Луппов (шолаште) Келшымаш пӧртыштӧ «Марийское наследие» фестиваль годым (2019 ий, вӱдшор)
«Его ученики становились основателями композиторских школ»: скончался Анатолий Луппов (Татар-информ)