(22 мая 2018) Йошкар-Олаште регион-влак кокласе Пеледыш пайрем 16 июньышто лиеш. Тиде кечым пайремын оргкомитетше пеҥгыдемден.
Пайремым эртарыме программыш вашталтыш ден темлымаш-влакым кызыт Республикысе марий тӱвыра рӱдер пога.
Икымше гана Пеледыш пайремым 1923 ийыште Йошкар пеледыш пайрем лӱм дене Шернур селаште эртен. У йӱла тиде кундемысе калыкын Агавайрем да Семык пайрем-влакшым алмаштыме, калыкым юмо дечын кораҥдыме семын увертаралтын, палемдат шанчызе-влак.