(20 февраля 2015) М.Шкетан лӱмеш марий кугыжаныш драме театрыште пресс- конференций эртен. Вашлиймашке Озаҥ ола гыч Г.Камала лӱмеш татар кужынажыш академий театр гыч толыныт: тӱҥ режиссёр Фарид Бикчантаев да Российын сулло артистше, «Голубая шаль» спектакльыште Шайхабабайын рольжым модшо Ильдар Хайруллин.
Тыге, 24 февральыште Марий Кугыжаныш театр ден Татар кугыжаныш академий театр келшен пашам ыштыме нерген пунчалым кидпале дене пеҥгыдемдат. Тиддеч вара икте-весе деке спектакль дене унала кошташ тӱҥалыт. Теве 10 февральыште Марий театр Озаҥыш «Юмынӱдыр» мюзикл дене миеныт.
24 февральыштак М.Шкетан лӱмеш театрын сценыштыже Татар театр «Голубая шаль» спектакльым модын ончыкта. Тиде постановко 1926 ий гычак шындалтеш, татар калыкын шкешотан символжо семын аклалтеш.
Ӱшанен кодына, кок кугу театрын келшымашыже лектышан да пайдале лиеш.
Автор-влак: Надежда Тимофеева и Валерия Васильева.